پەندی پێشینان
چەم بێ چەقەڵ نابێ
واتا : لە هەر شوێن وئاوەدانی ولەناو هەموو میللەتێکدا چاک و خراپی هەر تێدایە.
بزن ھەمیشە قونی بە دەرەوە بوو کەس ناوی نەدەبرد، مەڕ یەک جار قنی بەدەر کەوت کردیان بە چەپڵە
واتا : هەندێ کەس بەویژدانەوە لەکارەکان ناڕوانن ..جیاوازی ونایەکسانی لەحوکمیاندا هەیە ..
بانێکەو دووهەوا..
واتا : بەکەسێک دەوترێت ،کە کارەکان بەیەکچاو سەیرناکات و دادپەروەرانە حوکم نادات ..
کەجام پڕبوو لێ ی دەڕژێ..
واتە: لەگشت کارێکدا ئەشێ سنوور ڕەچاوبکرێت ، تا نەگاتە ئەوەی ببێت بەناخۆشی !
شەڕ لە شێف و ئاشتی لە خەرمان
(شێف: وەرد) واتە: ئیش ئەبێ لە سەرەتاوە یەک لایی بکرێتەوە.
کێوێک ئەڕووخێ ،کەندەڵانێک پڕ ئەبێتەوە..
ئەمە بە ئاخەوە ئەوترێ... وەک گلەییەک لەڕۆژگار ! مەبەست ئەوەیە یەکێکی گەورە لەناو ئەچێت ، وە یەکێکی هیچ و پووچ سەر هەڵدا.
بۆیە پێت ئەڵێم کاکە چۆلەکەم بۆ بگریت
واتا: : کاتێ تۆ دەڵێ ی من براگەورەم ،وەدەتەوێ مەردم بخەیتە ژێر بار و بیانکەی بە ئاشنای خۆت ئەبێ چاکەت هەبێت بۆیان .
ئاش لەخەیاڵی وئاشەوان لەخەیاڵێ
واتا؛ کاتێ دووکەس لەیەکتر تێناگەن ،وەهەرچی کۆشش دەکەن ناگەن بەخاڵی هاوبەش..
میوان خۆشی لەمیوان نایە، خاوەنماڵ لەهەردوکیان ..
واتە: کاتێ دووکەس ناکۆکن وکێشەکەیان دەبەنە بەردەم کەسێک ،کە ئەزانێ هەردوکیان کاری نەشیاویان کردووە ،بۆیە هەردوکیان
که جام پڕ بوو لێ ی دەڕژێ..
واتە: کاتێ کەسێک لە بەرامبەر کاری خراپی یەکێکی کە ،دان بەخۆدا دەگرێ وهیچ ناڵێ ،ئەشێ چاوەڕوانی هەڵچون وکاردانەوەی خراپیشی
دهنگی دههۆڵ له دوورەوە خۆشه
واتە: کاتێ کەسێ لەدوورەوە ، ئاگاداری سەختی کارەکە نیە، چەن زەحمەت وگرانە .هەر وادەزانی بەبێ ڕەنج وماندووبون هاتوونەتە
بەڕیش نیە ، بەئیشە..
واتا : کار وکردەوە ی پەسەند وبەرهەمی جوان نیشانەی گەورەیی مرۆڤەکانە ، نەک چل وبەرک وجامانەوڕیش