پەندی پێشینان
تۆ ئاغا و من ئاغا . کێ جێگامان بۆ ڕاخا ؟
واتای کاتێ هەردوکمان هیچ ناکەین ...هەربەتەمای یەکتر بین . دەبێ کەسێکی کە بێت خزمەتمان بکات ..!
خۆمان دوای پیاوی زاڵم ئەکەوین هەروەکو بڵی ی مەخلوقی ئەوین هەرچیمان هەیە ئەو دەیباو دەیخوا ئنجا سکاڵاش دەبەین بۆلای خوا !
واتە: هۆکاری دروستبوونی زاڵمەکانی ناو کۆمەڵگای کوردی خۆمانین، لەسەر نەزانین و بیرنەکردنەوەی ئێمە درووستبوون.
پەندی پێشینان
مەلایەتی چ ئاسانە، ژیر بوون گرانە واتە: خوێندەواری ئاسانە و ژیربوون گرانە.
پەرژینی پیاو ئەدەبە
واتە: ئەگەر پەرژینی شەرم و شکۆە نەبێ هەموو کەسێک ئەتوانێ کاری خراپ بکات.
شانی لێ ئەخورێ
واتە: حەزی لەو کارەیە
ئەم سەر ئەکا و ئەو سەر ئەکا، پارە ئەدا و پینە ئەکا
بە یەکێک ئەوترێ، کە هەمیشە پینە کردنی ئەو گوفتار و کردارانە بێ کە ئەیانکا.
دوای کڵاوی بابردوو کەوتووە
بە یەکێک ئەوترێ دوای کارێکی وا کەوتبێ کە هەرگیز بۆی نەبێ.
بە پەڕێزیا نەچوو
واتە: نزیکی نەکەتۆتەوە.
بە سەر ئاوی حەمامەوە پیاوەتی ئەکا
بە یەکێک ئەوترێ کە بیەوێ بە خۆڕایی مەردوم مەمنون بکات.
ئەوە باوە، وا لە ناوە
واتە: چی داهات، ئەبێ بە باو.
بە یەک گا گێرە ناکرێ
بە کارێک ئەوترێ کە بە یەک کەس نەکرێ.
ماڵی سپی بۆ ڕۆژی ڕەش
واتە: لە ڕۆژی سپی دا ماڵی سپی پاشکەوت بکە، بۆ ڕۆژێک کە لێت بقەۆمێ.
