پەندی پێشینان
مریشک لە دانەوێڵە سڵ ناکات
واتە: کەس بە خۆڕایی دەست لە ژیانی خۆش هەڵناگرێ.
بە نەوگ مەردوم سەر ئەبڕێ
بە یەکێک ئەوترێ کە بە قسەی خۆش و زمانی شیرین پیاو بکوژێ.
بەو بایە ئەەژیم کە لای تۆوە دێ
یەکێک ئەیڵێ بە خۆشەویستەکەی خۆی.
باویلێ، باوێکی بەسە
بە یەکێک ئەوترێ کە لەسەر هەموو قسەیەک زویر ببێ.
بەردی دەشتی و چۆلەکەی دەشتی
بە شتێک ئەوترێ کە پارەی تێنەچێ.
شتی باش خۆی هاوار ئەکا
واتە: باشی و خراپی چاو و راوی ناوێ.
بەیار کێڵان و گای لەڕ؟
بەیار: زەوییەکە کە چەند ساڵێک بێ نەکێڵڕابێ. بەیەکێک ئەوترێ کە دەرەقەتی کارێک نەیەت.
داری گەندەڵ بەدار نابێ
واتە: شتی خراپ لابەرە لەپلانەکانتا ،هەرگیزدوای کەسی خراپ مەکەوە ..،چاوەڕوانی نەمامێکی نەخۆش وکرمی تێدابێ مەبە ،چونکە ناڕوێ ونابێ بە بەدار.
بەو سەردولکانە گریانم نایە
سەردولکان: چەمەر چۆپییە. واتە: قسەکەت کار لە من ناکات.
تێرم خواردووە لە کاکڵان نۆرەی توێکڵانە
یەکێک ئەیڵێ کە سوودی لە هاوڕێیەتی یەکێک نەدیبێ، وە ئێستا یەکێکی هیچ و پوچتر بیەوێ ببێ بە هاوڕێی.
پووڵ ئەکا بە پڕۆ
بە یەکێک ئەوترێ کە نرخی پارە نەزانێ.
بووە بە داری پەڵک
بە شتێک ئەوترێ کە بێ بەر بێ.
