تا بە ئامانج دەگەیت پێویستت بەوە هەیە كە كۆڵنەدەیت، چونكە هەموو كارێك تاكو تێیدا سەركەوتووبیت پێویستی بە كۆڵنەدانە.
بتەوێت یان نەتەوێت تاكو لە كارەكەت هەنگاو بەرەو سەركەوتن و باشتربوون بنێیت پێویستت بە كۆڵنەدانە لە کاتی شكستەكانتدا، چونكە هەموو كات بەردەوامبوون و كۆڵنەدان نەبوایە شكستەكان لەناویان دەبردین، نەماندەتوانی دووبارە دەست پێبكەینەوە و بگەین بە ئامانجی كارەكانمان، هەر بۆیە هەموو كات كۆڵمەدە و بەردەوام بە تاكو خاڵی لووتكەی سەركەوتنەكانت بەچاوی خۆت و دەوروبەت دەبینیت.
ئەوە بەتەواوەتی ئاشكرایە لای هەموان كە ئەرێنی بوون لە هەموو كارێكدا كاریگەری تەواوی لەسەر دڵ و دەروون دروست دەكات و یارمەتیدەری بەردەوام بوون و كۆڵنەدانە لەو كارەی دەستپێكردووە، بەڵام بەهۆی هەڵەیەكی بچووكەوە شكست وادەكات كارەكەت لە پێش چاو رەشبكات و بەردەوام نەبیت تێیدا و ترست لێدەنیشێنێتەوە، بەڵام لەڕێگەی كۆڵنەدانەوە دەتوانیت وابكەیت شكستەكەت نەهێڵیت، نەك شكستەكەت كۆڵنەدانەكەت لەناوببات، تۆ بەم هەنگاوە لە هەموو لایەنێكی ژیانتدا سەركەوتوو دەبیت، بەئاسانی دەگەیت بە خەون و ئامانجەكانت كە لە مێشكت بۆ خۆت دروست كردووە، چونكە كۆڵنەدانت لە كاتی شكستەكاندا و به‌رده‌وام بوونت بەئامانجت دەگەیەنێت.
دیانا ئەحمەد
سەرچاوە:
