پشکۆ ناکام
ئەڵێن لە دەوروپشتی دادگای فیدراڵ لە بەغا " پاراستن " سێ چوار کەسی داناوە کە هەر کەسێ بە "عەریزە"وە خۆی پیا کرد ئەبێ ئەوان یەکسەر هەولێر ئاگادار بکەن ، کۆدی مەسجەکەش ئەمەیە : سکاڵایەکی تر بەڕێوەیە..
@ کۆمپانیای حکومەتی هەرێم کە یەکێکە لە کۆمپانیا{چەورەکان]ی پارتی دەیان ناو و ناتۆرەی بەرامبەر بە بەغا هەیە : شۆڤینی..مەزهەبی...خۆ سەپێنەر...نا دادپەروەر...ناحەزی کورد و کوردستان ..تەنها لەیەک شتا بە"حکومەتی فیدراڵ " ناوی ئەبا ئەویش کە ئەگاتە سەر پارە و بە تایبەتی مووچە و لە سەردانەکانی "پێنج کوڕە ئازاکە" بەغا ئەبێ بە فیدڕاڵ و بە پێ ی دەستور وەک شەوی بەرات دایمە بەغا ئەبێ ئاگای لە تورەکەکەیان بێ بە بێ ئەوەی ئەوان دەستکەن بە خۆیانا ، واتا شەش و بەیاز ! ئەمەش داهێنانێکی تری پارتییە بەناوی " فیدراڵی مووچە "...
@ کەس لەوە تێ ناگا ئەو شین و شەپۆڕەی تورکمانەکان بۆ چیە ؟ گوایا بە نەمانی کۆتا کورسییەکان ئیتر دیموکراسی بەر سەیارە کەوتوە و کەس نەماوە ئاگای لەو بەدبەختانە بێ و هەتیوو کەوتوون و کەس نیە نوێنەرایەتیان بکا..!! ئەی ئەوان نازانن لە پارلەمانا باشترین دۆست و بەئەمک ترین حیمایەیان هەیە کە ئەویش پارتییە ،،ئەوان خۆیان بە خودی خۆیان نیو هێندەی پارتی بەرگری لە خۆیان بکەن ، لەبەر خاتری چاوی کاڵی خۆیان نا بەڵکو لەبەر خاتری تورکیا ،لەبەر خاتری خاتران...دێمە سەر دینی تورکمان..هەر پارلەانتارێکی پارتی "ئوردوگان"ێکە بۆ خۆی و پارتی لە ئەنقەرەش دابمەزرایە هەر وەک ئێستا پەرۆشی تورکمانەکان ئەبوو وەک خیسڵەتێكی هەر شاگرد یان بەردەستێک بەرامبەر بە وەستاکەی ، خۆ بە خۆڕایی نیە بە حوکمدارەکەی هەولێر ئەووترێ :
:"والی تورکیا لە هەولێر: ...با تورکمانەکان دڵیابن لەوەی یەک پارتی لە لە پارلەمانا بێ ئەوە نوێنەری ئەوانیشە...
سەرچاوە : سپی میدیا
