د. شێرزاد حەسەن رەزا
لە ھەوڵێکی خۆکوژیدا،نەتەوەیەک بەبەرچاوی سەرکردایەتی و رۆشنبیر و خەڵکەکەیەوە خۆی دەکوژێت!
ئەمجارە یەکەم جار نیە ،بەڵام کۆتا چانسی مێژوویە ، کە نەتەوەی کورد بەدەستی خۆی و بە نەزانی و سەرلێشێوایەوە ،دەچێتە پرۆسیەکەوە کە ناوی بۆ کۆتاجار لە مەحفلی نێودەوەتی و پەڕاوە رەسمیەکان لێڵ دەکرێت.
لە شەڕی عوسمانی و سەفەوییەکان دا ،چاڵدێران چاڵی مەرگێکی چەند ساڵەی کوردبوو ،تا ئێستاش لەقوڵای ئەم بیرەنغرۆیەدا ،دەنگی تاساوە و کەس نایبێستێت،ئەوان غەنیمەتیان بردەوە و کوردیش تەنها ماڵوێرانی بەرکەوت.لە دوای شەڕی یەکەم و دووەمی جیهانی و دابەشکردنی کێکی رۆژهەڵات،کورد لە سیڤەرو لۆزان و عصبت الامم و دروست بوونی دەوڵەتی عێراقیش ،بە لاشەیەکی ساردوسڕی مردووئاسا دەرچوو.
لە دوای شۆڕشی شێخ محموود و شەریف وانلی و شێخ سەعید ، تا کۆماری مهابات ،کورد ئەنجامەکەی شکست بوو.بەداراکراو لەسێدارا دراو و مەنچەنیقی ئاگری بۆ داخرا.
لەدوای شۆڕشی نوێ و حکومی زاتی و دانیشتن و دانوساندنەکانی ساڵی حەفتەکان لەسەر مێزی پاشاکان شەوە سوورەکانی پێ خۆش کراو و شۆرشەکەیان مردارکردوە ، لە هەشتەکان و تا ساڵی ١٩٩١ ،کورد هەر لە زیانلێکەوتووان بوو.بەگاز خنکێنراو و بە بۆمب سوتێنرا.
لە مفەوازاتی دوای راپەڕینی لە بەغدا ،دۆڕاین و بەرهەمەکەی شەڕی ناوخۆی کورد بە کورد بوو.
تا ئێستا تەرمی زۆری براکان لە شاخ و کێوەکاندا ونن!
لە رزگارکردنی عێراق و دەستوور و ماددەی ٥٨ و ١٤٠ و دروستبوونی دەوڵەتی عێراقیدا ،بێ ئەنجام و دەسکەوت بووین.چونکە پەڕەی نووسراوەکان ،بۆ وەفاتنامەی کوردیان لەسەر کۆپی کرا،لە عێراقی فیدراڵیدا تانکەکان بەسەر لاشەی پێشمەرگەدا تێپەڕین.
لە ریفراندۆم و سی ساڵەی حکومڕانی کوردیدا،بە ئینسافەوە هەڵسەنگاندن بکەین هەر لە شکستابووین.
ئەوەندەی مشووری یەکترشکاندن و یەکترکوژی و کوشتنی روح و دەروونی یەکتربووین.نەپرژاینەسەر سارێژی برینە کۆنەکانمان.
لە رووی مێژووی سیاسی یەوە،لە تورکیا نزیکەی ٢٥ ملیون کورد ھەیە و لە ئێران نزیکەی ٧ ملیون و لە سوریا نزیکەی ٤ ملیون و لە ئەردەن سەد ھەزار کورد ھەن.
وەزیر و بەرپرسی باڵاشی تێدایە،بەڵام بەفەرمی و لەھیچ بەڵگەنامەیەکی دەستووری و یاسایدا ناوی کورد نیە.
ئەوەی کە ھەبوو لە کوردستانی عێراق بوو ،لەدوای ئەم سەرژمێرە،ئەویش دەسڕێتەوەو چیتر کەس ناتوانێت ،بە عێراق بڵێت ،فرە نەتەوە،گەر پرسیاری دەستوور بکەین،ماددەکانی وەک مادەی راپرسی ناوچەکێشەلەسەرەکان ئەویش لە راپرسیەکدا کۆتایی پێ دەھێنرێت.
ئەم سەرژمێرەی ٢٠٢٤ و لادانی پرسی نەتەوە،شکستێکی تری سەرکردایەتی کورد دەبێت،خۆکۆژیەکی روون و ئاشکرایە،نەک لە ناوجە کێشەلەسەرەکاندا ،بەڵکو لە پارێزگاکانی تری هەرێمی کوردستانیشدا ،ئەو راستیە دەشارێتەوە ،کە پاکتاوی نەژادی و تەعریب ،ئەو ھەرێمەی سەدانە ساڵە ،بۆنی ھەناسەیەکی ژیان دەبەخشێتەوە،ئەویش لەدەست دەدرێت،ئەوەتا بەنزیکەی ، لە ٪١٥ شاری هەولێر و ١٠٪شاری دهۆک و ٪٥ شاری سلێمانی تەعریب کراوە .
پرسیارە گرنگە ئەوەیە کە سەرکردایەتی کورد و شارەزایان و خەمخۆرانی ئەم وڵاتە ،وەڵامی بدەنەوە،
کە ئایا کورد بۆچی بەدەستی خۆی نەتەوەکەی زیندووکوژ دەکات ،ئەبێت ئەو راستیە بزانین شوێنێک نامێنێت تۆ بە کوردستانی بزانیت تەرمی ئەم نەتەوە کوژراوەی لێ بنێژیت
سەرچاوە : سپی میدیا
