.
بێکەس بەرواری
بەشی سێهەم و کۆتایی
بکومکرن و هەڵسەنگاندن وڤەوژارتنا چەندین هزران وهەلبژارتنا هێڤێنێ هەر ڕاستتر دبیتە مێتودەک ژبو نزیکبون ژڕاستی یا هەرە ڕاست. لەوما ئەم دشێین بێژین مرۆڤێ ڕەوشەنبیرێ ئازاد وزانا بکورتی ئەڤ جورێن مرۆڤانە :
مرۆڤێ زانا تەژی ژێدەرێت ھەین وھزرێت وی دڤەکرینە و نەگرێدایی چو ھزرێن کۆنکریتی ودیارکریە و دەرفەتا ھزری یا بەرفرھە یا ھەی و باوەری بڕاستی یا ڕەھا نینە بەلکۆ ھەردەم بابەتان ب چەند ئالی یا دبینیت و ڕاستی یا دوولایەن یان چەند لایەن دبینیت و باوەریەکا نەگوڕ یا ھەیی کو ھەمی تشت قابلی گوھڕینێنە و تشتێ ئەڤرۆ ڕاست بەلکی سوباھی شاشە یانژی تشتێ ل جھەکی و ل دەمەکی ڕاست بەلکی ل جھەکی و ل دەمەکێ دی نەڕاستە. لەوما مرۆڤێ زانا ھەست بئاشتی و ئارامیەک ناڤخوەدا دکەت و ھندی بشێت خوە ژدەمارگیریێ دپارێزیت و گوھڕنێن بەردەوام د دیتن و ھزرینکرنا خوەدا دکەت و گوھڕینێ دەورو بەرێن خوە باش دشوپینیت و دھەڵسەنگینیت و داھێنانێن ھزری دکەت دھزرڤانیێ دا .
ل ڤیرێ وەسا دیاردبیت کو ئاین زێدەتر بابەتەک گرێدایی خوداوەندا و ڕوحا و باوەریا مرۆڤانە ، وزانست گرێدایی مادەیی وهەبوونا تشتانە وتاقیکرن وسەرەدەریکرن وئەگەر و دەرئەنجامانە . لەوما زانست دگوهڕیێن بەردەوام دەیا وتاقیکرنێن نوی ئەنجام ددەت و ئاین زێدەتر گرێدایی تشتێن نەگوهڕ و ژدەرڤەیی دەستهەڵاتی مرۆڤانە .
یانژی ڕاستتر بێژین خویندەنەکا ڕیالیستیانە ژبوو هەبوونا سروشتی مورڤان وگەردونی ناکەن ، بەلکۆ وی دەستهەڵاتی دەنە خوداوەند وئاینان ودبنە جێبەجێ کار شوینا هزرکار و داهێنانێن نوی .
پڕانی یا ئاینان زێدەتر خو دسپارناە جیهانەکا دی شوینا ڤێ جیهانێ یانژی ڕوهنتر بێژین عالەماکا دی و ئاخرەتێ شوینا نوکە و ڤێ جیهانێ . لەوما گەلەلک ژ وان مرۆڤێن ئایندار و باوەردار خوە وەک مێهڤان ل سەر ڤی ئەردی دبینن و دبێژن ژیان دروست و هەردەم یا لجیهانێ دی یا چاڤەڕێکری. لەوما گەلەک ژوان باوەری وئیمان یا هەلبژارتی شوینا سەربوڕ وژیریا زانستی .
هەرچەندە وان باوەری ژی بزانستی هەبیت ژی دیسات خوە دسپێرنە هێزەکا دی یا ژدەستەهەڵات داریا مرۆڤان زێدەتر و فەشارتی و گەلک جارا هزرێن فەنتاسی وخەون وخەیالێن ژیانەکا خوەشتر یا ئەبەدی ل جیهانەکا دی دهزرێن خوەدا ئاڤادکەن وباوەر پێ دکەن . ئەڤ ململانێ یا هزری یا بەردەوامە وگەلەک جاران زانست زان دبێژن هندی مرۆڤێن ئایندار بتنێ باوەری بهزرێن فەنتاسی هەبیت و لدویف جیهانەکا دی بگەڕهن وی دەمی ئەو ژڤێ جیهانا نوکە و ڕاستی یا هەبونا خوە وسروشتی دویردکەڤن وژبوو ژیانەک دی و جیهانەک دی دژین ، لەوما ئەو دبێژن ئاین وزانست ژێک دویرن . مرۆڤێن ئایندار ژی دبێژن مرۆڤ مێهڤانە لڤێ جیهانێ و پێتڤی ناکەت گەلەک بارێ خوە گران بکەت و خوە بڤێ جیهانێ ڤە وبڤێ ژیانێ ڤە مژویل بکەت وباشترە دەمێن خوە ژبوو خودا پەرستیێ بکاربینین وچ تشت بێی حەزکرن وئیرادە ودەستهەڵات داریا خوداوەندا دروست نابیت وئەڤ جیهانە یکا دەمکی یە ومرۆڤ هەمی دێ چن ونامینن وباشترە ژبوو جیهانا دی (ئاخرەتێ ) کاربکەن و لوێرێ دێ ژیانێ هەردەمی (ئەبەدی ) هەبیت .
باشە چاوا مرۆڤ دشێت ببیتە مرۆڤەک هزرکەر وخودان دیتن وبچونێن خوە ؟
بەرسڤا هەرە راست ئەوە کو مرۆڤ بەردەوام هەوڵێن خوە بدەت وبزاڤا ڤەکولین وگەڕهان ل دویڤ ڕاستی یا هەرە ڕاست بکەت .
بەلکو هون نوکە پرسیاربکەن ئەرێ چاوا ئەم وەبکەین وچاوا لدویف ڕاستی یا هەرە ڕاست بگەڕهین وچاوا هزربکەین وچ ڕێک هەنە ئەم بگەهینە وی ئاستی کو ئەم خوە ب خوە بین ونەکەسێن دی مە ومەژیێ مە کونترول بکەن وبڕێڤە ببەن ؟
بەلکی بەرسڤ دانا ڤان پریسیارا ژی گەلەک یا دویر ودرێژ بیت وپێتڤی بڤەکولینێن جودا جودا هەبیت لێ ئەم دشێین ڤێ کورتە بەرسڤێ وەک ڕێ نیشاندەرک بکاربینین :
هەردەم بزاڤێ بکه ن مه ژیێن خوه بکاربێخن، هزرکرن ئەرکێ سەرەکی یێ مرۆڤانە ،لەوما ڤی ئەرکی بو کەسێ دی نەهێلە ، ڕێ نەدە ئەڤ ئەرکێ مرۆڤایەتیا پاقژ و بژوین ژتە بهێتە ستاندن. ساخلەتێ ئێکانە یێ مرۆڤان ژگیاندارێن دی جودا دکەت هزرکرنە،ئەو شیانە یا بزارەکی ، بنڤێسین ، بکارڤەدان وکردار دەربڕینێ ژهزرێن مرۆڤی دکەت. ئانکۆ شیانێن تێهزرین ،پەیڤین ، نڤێسین ونێگارکێشی وهزرکرنێن سەربەست و دەربڕینا ئازاد و ڕاستەقینە.
ئەڤێ ژی پێتڤی بمەژیەکێ کا را وسەربەست دهزرکرنێ دا وئازاد دەربڕینێ دا هەیە. لەوما پێتڤی یە تە وەک مروڤ ئەرکێ خوە یێ هزرکرنێ ودەربڕێنێ و بڕیاردانێ هەبیت.
باشترە هەردەم هزرێن تەیێن ڕاست و دروست بڕیاردەرێن دوماهیکێ بن .
هەکە تو مفایێ ژهزرێن باش وەربگری و کۆم بکەیی و پاشی ب مەژیێ خوە وان هزران بهەڵسەنگینی و بڕیارا هەرە دوماهیكێ ڤەڕێژا وان هەڵسەنگاندن وتێ هزرینێن تەبیت .
هندی تو بهزرێن کەسێن دی هزربکەی و بچاڤێن کەسێن دی ببینی و بگوهێن کەسێن دی گوهلێ ببیت، وێ گاڤێ ئەزمانێ تەژی دێ بیتە ڤەگوهێزکا گوتنێن سەر ئەزمان و ڤەڕێژا هزرێن وان و تو نابی یە هزرکەر وبڕیاردەر بەلکۆدێ بی یە کارتێکەر بریار ل سەردەر و ژێر دەستێ مەژی وهزرێن کەسێن دی.
وی دەمی تو نەشێی ڕاستی یا ببینی و بێژی ، دێ هەردەم دوێ ئاستێ دابی کو وەکی سەرهەفسارێ تە ومەژیێ دەت ددەستێت کەسێن دی دابن .
ڕاوەستە و باشتر هزربکە و دلینیی یا (هەستیاریا هەستێن ) خوە دەینە ڕەخەکێ وهەوڵ بدە تو بخو خوەدی و خودانێ خوە هزر وبڕیارێن خوە بی .من نەڤێت تویێ کەڕ ولال ونەبینابی، من نەڤێت مەژیێ تە یێ سەرگرتی ودا ئێخستی بیت. چنکو تو بتنێ خودانێ وی لەشی وی مەژی و وان هزر وبیر ودیتنانی لەوما دڤێت تو بتنێ بڕیاردەرێ هەرە ڕاستەقینە وئازاد بی ونەکەسێن دی .
بێکەس بەرواری
Bekes Berwari
bekesbaz@gmail.com
