فیلمی سینەمایی (ئەزموون) خەڵاتی باشترین فیلمی نێودەوڵەتی لە ٣٧ەمین فێستیڤاڵی نێودەوڵەتی فیلمی سانتا باربارا-ی لەویلایەتی كالیفۆرنیا لەئەمریكا بەدەستهێنا.
فیلمی سینەمایی "ئەزموون" The Exam لە دەرهێنانی سینەماكاری كورد "شەوكەت ئەمین كوركی" لە بەرهەمهێنانی (مەمەد ئەكتاش)ەو بەرهەمی كومپانیای "میتوس فیلم"ی بەرلین و كومپانیای مەستی فیلمی سلێمانییە كە بەپاڵپشتی وەزارەتی روشنبیری حكومەتی هەرێمی كوردستان بەرهەمهاتووە.
پیشتریش فیلمەكە لەچەندین فێستیڤاڵی نێو دەوڵەتی بەشداریی كردووەو خەڵاتی باشترین فیلمی لەفیستیڤاڵی نێودەوڵەتی ڤیكتۆریا لەوڵاتی كەنەدا وەرگرتووەو هەروەك بڕیاریشە لەژمارەیەك فێستیڤاڵی نێودەوڵەتی سینەمایی دیكەدا بەشداری بكات.
چیرۆكی فیلمی سینەمایی ئەزموون، چیرۆكی ئەزموونی دڵەڕاوكێی سەرجەم خوێندكارانی كوردستانە لە تاقیكردنەوەكانی كۆتایی ساڵ، بە تایبەت تاقیكردنەوەكانی پێش چوونە زانكۆ.
سەرچاوە: بنکەی ڕووناکبیری گەلاوێژ
