لاواز بوونی ماسۆلکە واتە لەدەستدان و نەمانی ماسۆلکەکان ، هەروەها کەمبوونەوەی توانای جوڵەیان، چەندین شت هەن کەوا دەکەن ماسۆلکەکانت لاواز بن سەریکیترینیان ئەمانەن....
ـ نەخۆشی ئەیدیسۆن: ئەمە ڕودەدات ئەوکاتە ڕژێنەکانی ئەردیناڵ هۆڕمۆنی کۆرتیزۆڵ و ئەلدستررۆن بەپێی پێویست دەرنادات. ئەمەش وادەکات ماسۆلکەکان لاواز ببن، لەنیشانەکانی...
بێتاقەتی، لەدەستدانی کێش، نەمانی ئارەزوی خواردن، ئازاری گەدە.
ـ کەمخوێنی: مرۆڤ توشی کەمخوێنی دەبێت ئەوکاتەی ڕێژەی هیمۆگڵۆبین لەخوێنیدا کەم دەبێتەوە ، زۆرجاریش بەهۆی کەم
ئاسنەوەیە. ئەمەش وادەکات ماسۆلکەکانت لاواز بن.
لەنیشانەکانی: سەرگێژان، هەناسەکورتی، ژانەسەر، ساردی دەست وپێییەکان، ناڕێکی لێدانی دڵ.
ـ ناڕێکی باڵانسی تەزووە ڕاگەیاندن: ئەم سیستمە یارمەتی مشک، دڵ ، ماسۆلکە ، دەمارە ڕاگەیاندن دەدات بەشێوەیەکی دروست کار بکەن ئەگەر بێتو ئەم سیستمە ناڕێکی تێبکەوت ئەوا ماسۆلکەکان لاواز دەبن.
ئەوشتانەی دەبێتە هۆی دروست بوونی ئەم حاڵەتە : لەدەستدانی شلەی لەش لەڕێگەی ڕشانەوە، ئارەقکردن، سکچوون. کەمی ماددەی خۆراکی لەش. بەکارهێنانی دژە بەکتریا. چارەسەری کیمیای.
ـ شەکرە: لەکاتی توشبون بەشەکرە دەمارەکانی لەش لەناو دەچن ئەمەش وادەکات ماسۆلکەکان لاواز بن.
ـ نەخۆشییەکانی گورچیلە: بوونی کێشە لەگورچیلەکاندا دەبێتە هۆی کەمی بەرهەمهێنانی میتابۆلیکی لەش ئەمەش ماسۆلکەکانی لەشی لاواز دەکات.
ـ ناڕێکی خەوتن: وەک شەونخونی ، تێکچونی شێوازی خەوتن، وادەکەن توشی بێتاقەتی و لاوازی ماسۆلکە ببی.
سەرچاوە: سپی میدیا
