توێژینەوەکەم لەسەر یەکگرتنی ئابووری نێوان هەرێمی کوردستان و ناوچەی یۆرۆ..
دوو ڕۆژ لەمەوبەر لە داتابەیسی یەکێک لە باشترین زانکۆکانی ئەڵمانیا و جیهان (چاپکردنی ئەوروپی و جیهانی) بڵاوکرایەوە.
لە کاتی ئەنجامدانی ئەم توێژینەوەیەدا هەوڵمدا ئەو بەرهەمە کشتوکاڵییە ئۆرگانییانەی لە هەرێمی کوردستان بەرهەم دەهێنرێن بە شێوەیەکی فراوان بە تیۆرییەکان بە شێوەیەک ڕوون بکەمەوە کە بەشداربێت لە گەشەسەندنی ئابووریی گەورە و ئابووری نێودەوڵەتیدا.
وەک هەمیشە دەڵێم هەرێمی کوردستان بە کشتوکاڵی ئۆرگانیکی خۆی بە خێرایی و بە بەردەوامی بەرەو پێشەوە دەڕوات بەرەو بوون بە یەکێک لە گرنگترین ناوەندە کشتوکاڵییەکانی جیهان. بەو یەکگرتنە ئابورییەی کە هەرێمی کوردستان لەگەڵ ناوچەی یۆرۆ دادەمەزرێنێت، دەبێتە ناوچەیەکی بازرگانی ئازاد (FTZ) بە ڕێککەوتنەکانی وەک ڕێککەوتنی یەکێتی گومرگی و ڕێککەوتنی بازرگانی ئازاد (FTA) و ئەمەش ڕۆڵی سەرەکی دەبێت لە… گەشەسەندنی ئابووریی گەورە و نێودەوڵەتیی هەرێمی کوردستان. بەپێی تیۆری یەکێتی گومرگی ڤینەر، ڕێککەوتنی یەکێتی گومرگ دەبێتە هۆی پەرەپێدانی زیاتری بازرگانی نێوان هەرێمی کوردستان و ناوچەی یۆرۆ، هەروەها زۆرێک لە کاڵاکان لە ئاستی نێودەوڵەتیدا بەبێ باج و بە تێچووی کەم مامەڵەیان لەگەڵ دەکرێت. هەروەها هەرێمی کوردستان ڕۆڵێکی گرنگ دەگێڕێت لە زیادکردنی قەبارەی بازرگانی جیهانی.
