فیلمی سینەمایی “کۆبانێ” کە چیرۆکی ڕۆحی بەرخۆدان و سەرکەوتنی 134 ڕۆژ لە کۆبانێ دەگێڕێتەوە، لەئیستادا لە شاشەی سینەماکانی باشووری کوردستان نمایشدەکرێت.
بڕیارە ڕۆژی پێنجشەممە 5ی کانوونی دووەم، لە سینەما سالم لە شاری سلێمانی نمایشبکرێت.
فیلمەکە ئوزلەم یاشار کاری دەرهێنانی بۆ کردووە و بە سەرپەرشتیی کۆمینی فیلمی ڕۆژئاوای کوردستان بەرهەمهێندراوە، چیرۆکی بەرخۆدانی 134 ڕۆژی کۆبانێ لە شەڕی دژی چەتەکانی داعش دەگێڕێتەوە، قۆناغی وێنەگرتنەکەی نزیکەی ساڵیکی خایاندووە.
ئەم فیلمە سینەماییە 200 کەس لە شەڕڤانان، وڵاتپارێزان و ئینتەرناسیۆنالیست کاریان تێیدا کردووە، سەرجەم ئەو شوێنانەی کە فیلمەکە تێیدا وێنەی گیراوە لەناو شاری کۆبانێ یە.
لە مانگی ئەیلولی 2022دا، بۆ یەکەم جار لە شاری کۆبانێ نمایشکرا.
سەرچاوە: rojnews
