قوتووە جگەرەیەکی داری دەستکردی سنەم هەبوو وێنەی «ئەبو عەلی سینا»ی لە سەر هەڵکەنرابوو، لە بنەکەشیەوە نووسرابوو «فەیلەسوفی شەرق» کوڕێکی نەخوێندەواری خەڵکی سنە هاتە لام - کە ناوی باقر بوو وێنەی سەر قوتووەکەی چاوپێکەوت، وتی: ئەوە کێیە؟ وتم: ئەوە نووسراوە؛ فەیلەسوفی شەرق ئەبوو عەلی سینا. وتی: قوربان فەیلەسوف یانێ چی؟ وتم: یانێ وردبین و زۆر شارەزا لە هەموو کون و قوژبنێکی حیکمەت و عیلما. تۆزێ سەری داخست و لە پاشا وتی: قوربان جا بێژە «فرەزان» ئیتر ئەمەی بۆچەس.!
