دوانیوەڕۆی 16/04/2022 بەبۆنەی ڕۆژی ژینگەی كوردستان لە پاركی ئازادی چەند چالاكیەكی ھونەری لەلایەن خوێندكاران و مامۆستایانی پەیمانگای ھونەرە جوانەكانی سلیمانیەوە ئەنجامدرا.
ڕێبوار سەعید، سەرۆکی ڕێکخراوی باڵندە باران، لە بارەی چالاکیەکەوە بە ڕۆژ نیوزی وت: ئامانجمانە هونەر ببەینە ناو ژینگەوە، وەکو هەنگاوێک بۆ ئەوەی هونەرمەندان و خوێندکاران بە بیرۆکەی خۆیان لەم پڕۆژەیە بەشداربن.
باسی لەوەکرد کە لە گەڵ هونەرمەندان و خوێندکارانی دیکە ئەو پڕۆژەیە بەردەوامی پێدەدەن کە ئامانجی سەرەکیان پاراستنی ژینگەیە و تێکەڵاوکردنیەتی لەگەڵ هونەردا.
لە چالاکیەکەدا چەند گۆرانیەك پێشكەش كرا، پاشان بە نمایشكردن و ناساندنی چەند کارێکی هونەری ئەنجامدرا و شاناییەکیش لە بارەی سروشت و ژینگە پارێزی نمایش کرا.
سەرچاوە: rojnews
