لەمڕۆەو ئیتر من مەڕ نیم

ئیتر لە تۆ ناترسم ئەی سەرۆک
چەند بێبەزەیی و دەڕندە بیت،
چەند وڕک بگری و قین لە دڵ بیت
چەن چاو سوورکەیتەو هەڕەشە بکەی
بە زۆر و ساختە هەموو پارە و دەسەڵاتی ئەم نیشتمانە
بۆ خۆت و کوڕەکانت ببەی 
نە لە تۆ نە لە قامچیەکەی دەستت
نە لە پیاو کوژەکانی دەورت
ناترسم
چونکە ئیتر ئێستا من تەنها نیم 
ئیتر هەموومان پێگەییشتووین و چاک تێگەییشتووین
بۆیە گشتمان بڕیارمان داوە 
ئیتر مەڕ نەبین