بەرپرسی کاروباری کولتووری لە بەڕێوەبەرایەتی گشتیی کولتووری پارێزگای ئیلام رایگەیاند لە ساڵی رابردووی هەتاویدا 32 کتێب بە زمانی کوردی چاپ و بڵاوکراونەوە.
مەنسور موحیبی، بەرپرسی کاروباری کولتووری لە بەڕێوەبەرایەتی گشتیی کولتووری پارێزگای ئیلام رایگەیاند، لە ساڵی رابردووی هەتاویدا 281 ناونیشان کتێب بە 290 هەزار دانە لەو پارێزگایە چاپ و بڵاوکراونەتەوە.
بە گوتەی مەنسور موحیبی لەو کتێبانەی ساڵی رابردوو بڵاوکراونەتەوە، 32یان بە زمانی کوردین و هەموویان لە بواری ئەدەب و کتێبی شیعر و چیرۆکن.
بەپێی ئاماری بەڕێوەبەرایەتی کولتووری ئیلام، لەو پارێزگایە 36 دەزگای چاپ و بڵاوکردنەوە و 480 نووسەر چالاکییان هەیە.
مەنسور موحیبی دەڵێت، زۆربوونی ژمارەی کتێبە چاپکراوەکان نیشانەی زیاتربوونی چالاکیی نووسەر و دەزگاکانی چاپ و بڵاوکردنەوەیە و پەرەپێدانی ئەو بەشە پێویستیی بە پشتگیری بەرپرس و دامودەزگا پەیوەندیدارەکان هەیە.
سەرچاوە: rudaw
