كونسوڵخانەی هیندستان لەهەرێمی كوردستان، بانگهێشتی پێشكەشكردنی بەشداریی لە دەیەمین فێستیڤاڵی نێودەوڵەتی فیلمی دۆكیومێنتاریی (نۆیدا) ڕادەگەیەنێت.
فیلمی بەشداربوو بە بەرچاوی لیژنەیەكی داوەرییدا تێپەڕ دەبێت و خەڵات پێشكەش بەدۆكیومێنتاریی هەڵبژێرراوی یەكەم و دووهەم و سێیەم دەكرێت.
فیلمەكان لەسێ (پۆلێن)دا خۆیان دەبیننەوە كە بریتین لەفیلمی ١٥ خولەكیی، ٣٠ خولەكیی، ١ كاتژمێریی.
بەپێی راگەیاندراوەكە كۆتا رۆژی وەرگرتنی بەشداریی بریتیە لە رۆژی ٣١/ ٣ / ٢٠٢٢ و دەكرێت دۆكیومێنتارییەكان لەڕێی گووگڵ درایڤ، یان لینكی تایبەتی یوتیوبەوە هاوبەش بكرێن یاخود لەڕێی ناونیشانی ئیمەیڵی (info@mstv.co.in)وە بگەیەنرێن
سەرچاوە: بنکەی ڕووناکبیری گەلاوێژ
