جاران ...

جاران لەژێر لێوەوە سیخوڕمان هەبوو

 ئەمڕۆ (خائین)مان هەیە بەدەنگی بەرز!

جاران ناخونۆک بە شەرمەوە تەنیا لە خواردنا

ئەمڕۆ؟ فڕکان فڕکانە لەسەروبنی خاک  تاڵان کردنا!

جاران جەردە تەنیا دەگەڕا بە گیرفانا

جەردەکانی ئەمڕۆ بە سنوور و بازار و کۆمپانیا و یانەی شەوانا !

جاران دەوترا پارە هەموی وا لای فڵانە بازرگانی چاوچنۆک

ئەمڕۆ گشتی لای کۆمپانیاکانی دارودەستەی سەرۆک !

شتێکیان بیستووە وا شەو و رۆژ شەتەکن

 قەپەکان زل زل و خێران نەوەک­و ووشک بێ ئەو شیواشۆک !

جاران دزی هەژار ڕیسوا دەکران

ئەمڕۆ ئازادن و بێ ترس بەپشتگیریی 50+1ی پەرلەمان !

جاران دزییان دەکرد لەبرسان

ئەمڕۆ کۆمپانیای پارتە زۆر تێرەکان!  

جاران دزەکان بەشەو دەهاتن

 ئێستا بە نوێژیی نیوەڕوان !

جاران پارتەکان بە ئابوونەی میللەت دەژیان

 ئەمڕۆ گومرگ و باج و نەوتیان قووت داوەو خەریکی گازن دەیبەن  بۆلوتیان !

جاران تانەمان ئەدا لە خێڵ و بنەماڵە دەمان ووت کۆنەپەرستن

 ئەمڕۆ کوڕو کوڕەزاو زازازازا لە گریسایەو ئامادەکراون تا کۆیلەکان بیپەرستن!

جاران کوردبوون کۆی دەکردینەوە

 ئەمڕۆ دەفتەرە دۆلارە چاوشینەکانی کۆمپانیای هاوبەش و بیرەنەوتەکان... و چەمینەوە !

 لێم سوورە میللەت هەردێتە سەرخەت، دەڵی بەسە سەرۆک تاکەی؟

ستۆپ! حەپەلووشکردنی داهات و قووتی گەنجانی دوێنێ و ئەمڕۆ و سبەی.

دکتۆر توانا – ئاڵمانیا
  2022/4/1