بڕیارە لە ساڵڕۆژی دامەزراندنی شاری سلێمانی پێشانگای نێودەوڵەتی بۆ کتێب بکرێتەوە.
بڕیارە رۆژی 17 تا 26ی تشرینی دووەم چوارەمین خولی پێشانگای نێودەوڵەتی سلێمانی بۆ کتێب، بە سەرپەرشتی ژووری بازرگانی و پیشەسازی سلێمانی و كۆمپانیای ئەتڵەس ئەسیڵ، بە بەشداری زیاتر لە (200) كۆمپانیای ناوخۆی و بيانى بەڕێوەبچێت.
لەمبارەیەوە د. شەوقی عومەر بەڕێوەبەری کارگێڕی و پەیوەندییەکان لە کۆمپانیای ئەتڵەس ئەسیڵ، بە ڕۆژنامەی بازرگانی و پیشەسازی ڕاگەیاند" لە ئێستادا (90%) ئامادەکارییەکان بۆ کردنەوەی چوارەمین پێشانگای تایبەت بە کتێب لە شاری سلێمانی تەواو بووە".
وتیشی" تا ئێستا (200) ناوەندی چاپ و بڵاوکردنەوە بەشدارن، پێشبینی دەکەین لە ڕۆژانی داهاتوودا بگاتە (250) ناوەندی چاپ و بڵاوکردنەوە، کە لە (55%)ی ناوەندەکان ناوخۆین، (45%)یشی لە دەرەوەی عێراق و هەرێمی کوردستانن".
سەرچاوە: speemedia
