بەرزان حەمەسور
ئەوە ئەوانن...
ئەوە ئەوانن یاری بەمێشک ,هەست وتوڕەبون ودڵخۆشییەکانمان دەکەن.
ئەوەئەوانن سەرەگێژەوودڵەڕاوکێ وشک وگومانمان بۆ دروست دەکەن ،دەمانخەنە ناو گێژەڵوکەی کێشە دروستکراوەکانی دەستکردی خۆیان.
ئەوە ئەوانن کێشەی لاوەکیمان بۆ دروست دەکەن ..تا کێشەسەرەکیەکان لەبیربکەین .
ئەوە ئەوانن بەدرۆی ڕەنگاوڕەنگ ئاراممان دەکەنەوە ..گوایە کێشەکانمان بۆ چارەسەردەکەن ،
ئەوە ئەوانن دەمانئاڵێنن لەداوی کێشەی دەستکردەوە،گوایە کۆمەگمان دەکەن ،
ئەوە ئەوانن خاوەنی گشت کێشەکان، لەدورەوە بوون بەبزوێنەری بیروهەست وکاردانەوەکانی ئێمە،
هەرئەوانن بەرگی فریادرەسیان پۆشیوە وبەرەزامەندی ئێمە دێنە ژوورەوە تا کێشە دەستکردەکانی خۆیانمان بۆ چارەسەربکەن،
ئەوە ئەوانن..لەڕێگەی دەیان کەناڵی دەستکردوسەدان سایتی سۆشیال میدیاوە یاری بەگلاندی ئەدرنالینی ئێمەی بێمێشکەوە دەکەن ..
ئەوەش ئێمەی گەوجین بەبێ مووچەو بێبەرامبەر بەدڵی ئەوان ڕۆڵێکی ترسناک دەبینین لە گواستنەوەو گەورەکردن و سپیکردنەوەی درۆشاخدارەکانی ئەوان وتێکدانی ئەدرنالینی مرۆڤەکانی دەورمان .
ئەوە ئێمەین وەک سەگی شوانەکان مەڕەکان دەهێنین ودەبەین ،کۆیان دەکەینەوە تابیانکەین بە تەویلە گەورە چواردەوردراوەکەی جەنابی شوان..کەلەدورەوە بەدوربین تەماشادەکات ، ناوبەنا بەفیکەکەی دەستی یان هاوارێکی تایبەت سەگەکان بەبیردەهێنێتەوە تاخێراکارەکەیان ئەنجام بدەن ..
ئەوەئێمەین ئەزمونە بالۆنە فوتێکراوە پڕۆفیشاڵە پڕدرۆکانی ئەوان دەگوێزینەوە بێ ئەوەی هەستبکەین کە ئێمەش بەشداین لەتاوانی گەوجاندنی میللەتێک ..!
