بەبەشداری هونەرمەندانی كورد و شارەكانی عێراق، پێشانگایەكی شێوەكاری لە هەڵەبجە بەڕێوەچوو، تەواوی تابلۆكانی ناو پێشانگاكە گوزارشتی لە خەم و ئازارەكانی گەلی كورد و هەڵەبجە دەكرد.
ئەمڕۆ لە هۆڵی بەڕێوەبەرایەتی گشتی ڕۆشنبیری و هونەری هەڵەبجە، یەكەمین سیمپۆزیۆمی هونەریی كە پێشانگایی شێوەكاری بوو، بۆ ١٦ هونەرمەندی شێوەكاری كورد و عەرەب بەڕێوەچوو.
كۆمەڵێک هونەرمەندی عێراق و هەرێمی كوردستان بەشدارییان لە پێشانگاکەدا كردووە و سەرجەم تابلۆ نمایشکراوەکانیش گوزارشتیان لە ئازارەكانی هەڵەبجە و گەلی کورد دەکرد.
حیكمەت هندی
حیكمەت هندی، هونەرمەند و شێوەكار، کە خۆی بە چەند تابلۆیەک بەشدارە لە پێشانگاکەدا، بۆ ڕۆژنیوز وتی، “ئێمەی هونەرمەندان توانیومانە لەڕێگەی ڕەنگە جیاوازەكانەوە ئەو هەستە بۆ ئازاری هەڵەبجە دەرببڕین، چونكە هەڵەبجە شارێكی بریندارە و دەبێت هونەرمەندان لە ڕێگەی هونەرەوە ئازارەكانی كەمبكەنەوە، هونەر زمانی قسەكردنە”.
حەمەی حەسەعید
لای خۆشییەوە حەمەی حەسەعید، وەزیری ڕۆشنبیریی حكومەتی هەرێمی کوردستان، کە بەشداریی لە كردنەوەی پێشانگاكەدا کردبوو، لە کۆنگرەیەکی ڕۆژنامەنووسییدا وتی:”لەگەڵ دروستبوونی کابینەی نوێی حكومەتی عێراق، دوو جار لەگەڵ وەزیری ڕۆشنبیریی عێراق كۆبونەوەمان كردووە، گلەییمان هەبووە لە كاری هاوبەشی هونەرمەندانی هەردوولا لە ڕابردوودا، بۆیە بڕیارمانداوە پێكەوە كاری هاوبەش بكەین”.\
سەرچاوە: rojnews
