هونەرمەندی شێوەکار ئیسماعیل خەیات، ئەمڕۆ پێنجشەممە 20-10-2022 کۆچی دواییکرد.
ئیسماعیل خەیات لە ساڵی 1944 لە خانەقین لەدایكبووە، دەرچووی خانەی مامۆستایانی بەعقوبەیە، لە 1992 - 1998 بەڕێوەبەری هونەری شێوەكاری بووە لە وەزارەتی رۆشنبیریی حكومەتی هەرێمی كوردستان، هاوژینی هونەرمەندی شانۆكار گەزیزە عومەرە.
ئیسماعیل خەیات، لە ژیانی هونەرییدا 45 پێشانگەی کردووەتەوە، ئەندامی کۆمەڵەی شێوەکارانی جیهان بوو. یەکێک لە کارە بەنێوبانگەکانی رەنگکردنی بەردەکانی سنووری نێوان پارتی و یەکێتی بوو لە دێگەڵە، وەکو ناڕەزایەتییەک دژی شەڕی نێوخۆ و پاڵپشتیکردن لە ئاشتەوایی.
سەرچاوە: galawej
