پلاتفۆڕمی دابڕان و فێمینیزمی ڕۆشنگەری سەر بە تۆڕی ناوەندی ڕۆشنگەری چاودێر، چل و حەوتهەمین دیالۆگی سەكۆی جیاواز بەناونیشانی (دیالێكتیكی هیوا: ژن، ژیان، ئازادی.. سەبارەت بە گۆڕانكارییەكانی ئەم دواییەی رۆژهەڵاتی كوردستانە و ئێران) بۆ (مەنسور تەیفوری) وانەبێژی فەلسەفە لە زانكۆی سلێمانی ڕێكدەخات.
كۆڕەكە رۆژی شەممە (8/10/2022) كاتژمێر (3:30)ی دوای نیوەڕۆ لە هۆڵی شەهید ئازاد هەورامی لە تۆڕی ناوەندی ڕۆشنگەری چاودێر بەڕێوەدەچێت.
پلاتفۆڕمی دابڕان و فێمێنیزمی ڕۆشنگەری، لە وەرزێكی نوێی چالاكییەكانیاندا (بانگەوازی دیالۆگە جیاوازەكان)یان ڕاگەیاندووە، لەو چوارچێوەیەدا بانگهێشتی هەموان دەكات بۆ (سەكۆی جیاوازی)، تەنها پێوەریش دیالۆگی زانستی و ڕەخنەی ئازادە، تۆ دەتوانی جوانیی و جیاوازیەكانت لەم سەكۆیەدا بخەیتەڕوو.
سەرچاوە: dabran
