نمایشی "سروودێک بۆ ئیکارۆس" نوێترین کاری شانۆیی گروپی "ز بۆ شانۆ"یە و وابڕیارە 27/10/2022 لە شاری هەڵەبجە نمایشبکرێت و پاش نمایشکردن لە هەڵەبجە، بهێنرێتە سلێمانی.
ئەم نمایشە بە کارکردن لەسەر دەقی 'دوژمنی گەل'ی هینرک ئیپسن بەرهەم هێنراوە و هونەرمەند ڕاڤیار نەوزاد کاری دراماتۆرگی بۆکردووە، لەلایەن ستافێک ئەکتەری بەتواناوە نواندنی تێدا دەکرێت.
دراماسازیی لەلایەن 'هێدی ئیسماعیل و ڕاڤیار نەوزاد' ەوە بۆکراوە و سینۆگرافیای لەلایەن 'تەها ئەڵڵاکەرەم' ەوە بۆ دروستکراوە.
کارەکە بە هاوکاریی پەیمانگەی هونەرە جوانەکانی سلێمانی و بەڕێوەبەرایەتیی گشتیی ڕۆشنبیری و هونەریی هەڵەبجە بەرهەم هێنراوە و وا بڕیارە پاش نمایشکردنی لە شاری هەڵەبجە بهێنرێتە شاری سلێمانی و لەوێش نمایشبکرێت.
سەرچاوە: galawej
