عومەر مەحمــــــــــود
لە دەرونزانیدا باس لە بوونی سێ جۆر مرۆڤ یان بڵێین سێ جۆر کەسایەتی دەکرێ .
جۆری یەکەم :
وزەی لە تۆ زیاترە . هەر بە بینینی ڕوخساری و بیستنی دەنگی و هەستان و دانیشتن لەگەڵیدا هەست بە بەختەوەری دەکەیت .
وزەی لێ وەردەگری . وزە بەخش و ورە بەخش و ئومێد بەخشە .
وزەی ئەرێنیت پێ دەدا . ئەو جۆرە مرۆڤانە لەژێر کاریگەری خەڵکیدا نین . کاریگەری لەسەر خەڵکی دادەنێن . گەشبین .
وزەو هوشیاری و بەختەوەری و خۆشی دەبەخشنە هەر شوێنێک کە ئەوانی لێیەو هەرکەسێک کە لە لایانە و لە تەکیاندایە.
جۆری دووەم :
وزە دزەکاننن . یان ئەوانەی وزەی ئەرێنی لە خەڵکیدا ناهێڵن . بەردەوام ناڕازین . ڕەشبینن . ڕەخنەو گلەییان لەواقیع هەیە . لەژێر درەختێکدان گەڵای پێوە نیە .
واقیع ڕەتدەکەنەوە . کێشەی ئەمانە هەر ئەوە نیە خۆیان لە کێشەدان و لە ژیانی خۆیاندا ڕەشبینن . بۆ تۆش کێشەن .
وزە لە تۆشدا ناهێڵن .
دەتکەنە هاوبەشی گلەیی و بێهیوایی و ڕەشبینی و ناڕەزایەتییەکانی خۆیان .
ورەت دەڕوخێنن .
هەر ئەوەندە گوێیان بۆدەگری ، هەستەکانت دەگۆڕێن . هەست بەلاوازی و دڵتەنگی دەکەی . خەم و خەفەت داتدەگرێ .
بوونی کەسێک لەمجۆرە لە جیهانی تۆدا دەبێتە هۆی ئەوەی
وزەت تیا نەمێنێ . هەست بە تێشکان و نائومێدی بکەی . ڕەشبینی و بێهیوایی داتبدەگرێ .
ئەمجۆرە کەسایەتیە تەنانەت لە فلیم و دراماکانیشدا حەزی لە تراژییە .
زۆر قسەدەکات . بەدەرەوەی خۆیەوە سەرقاڵە . سەرگەردانە و لە ڕۆڵی قوربانیدا دەژی .
ئەم جۆرە لە ژیانتدا بەربەست و ئاستەنگە .
تەڵەیەکەو بۆت نراوەتەوە . بەرەو دواوەت دەگێڕێتەوە . لەگەڵ ئەم جۆرە کەسایەتیەدا پێشکەوتن نیە .
دوور کەوتنەوە لێی کارێکی باشە .
جۆری سێیەم :
هاوتاتە لە وزەدا . لەگەڵیدا دەگونجێی . بەئاسانی دەتوانی لەگەڵیدا هەما هەنگ بی .
پێت خۆشە بیبینی .
لە تەکیدا دڵخۆشی . بیرکردنەوەکانی لەبیرکردنەوەکانی تۆ نزیکن .
ئێوە لە وزەدا یەکسانن . یان زۆر نزیکن لە یەکسانی . وزەو ورەی تۆ نابات .
ئێوە وزە بەیەکتری دەبەخشن .
ئەمجۆرە کەسایەتیە پێی دەگوترێ هاوشێوە . یان دوانەی ڕوح .
یان نیوەکەی تر .
