ئاواتەخوازم لێرە ڕاکەم ..
تەنها کوخێکی بچووکم هەبێ لە دەشتێکدا کە دەڕوانێتە سەرچەمێکی جوان و خاوێن، هەرکاتێک هەستم بە ناڕەحەتی و بێزاری کرد لە کەسە نزیکە کانی دەورم ، ڕادەکەم بۆئەوێ .. خۆم لەناویدا زیندانی ناکەم مەگەر پێش ئەوەی بخەوم بۆ دیالۆگێکی ڕاستگۆ لەگەڵ خۆم!
ئاواتمە بەدرێژایی ڕۆژ لەبەردەمیدا دابنیشم بۆ ئەوەی لە سانایی سروشتی وێنەکێشراوبە مێرگ ودەوەن و درەخت وسەوزەگیای سێبەرەکان وەگرم ..
دەمەوێ بە دەنگی کەڵەشێرو مریشک وجوجەڵەکانیان ،بەوەڕنی سەگی دوای مەڕەکان چێژلە ئارامییە نایابەکان وەربگرم، ئەوسا هەست بە دڵخۆشی و وزە و گەشبینی دەکەم و دەنگی خوڕەی ئاوی سازگار وا دەکات هەست بە ئارامی و پاکی بکەم و بینینی گوڵ و سەوزایش لادەبەن گشت خەم و نیگەرانم .. بەڕاستی مرۆڤ بوونەوەرێکی زۆر زۆر بێزارکەر و بە قسە و قسەڵۆک و دەستدرێژی و ،بەخۆبەزلزانینی ناشیرین تایبەتمەندە..
ئەمانەیە وا دەکات تا ڕادەیەکی زۆرئەمڕۆ هەست بە بێزاری و ماندووبوون دەکەم،تەنها دەمەوێ لێرە ڕاکەم ..
