من کوردم...من !

کورد وکورد بوون بەزۆر  :

1- من مرۆڤێکی سەربەستم، من کوردم، شانازی دەکەم بەکورد بوونم ،نەعارەبم نەئێرانیم نەتورکێکی شاخستانیم ، نەک هەرمن خۆم ، مێژووش ئەڵی کە کوردم وکوردستانیم ، ڕێز لە زمانی فارسی دەگرم ،بەڵام ژێردەستی هیچ نەتەوەیەک نیم ونابم. بەتاوانی دەزانم لەماڵا تەک منداڵەکانم وخوشک وبرا ولەدەرەوە تەک هاوڕێ کوردەکانم بەفارسی پۆست ونامە بنووسم و بگۆڕمەوە... ئێمە لەنێوانماندا هۆنراوەکانی هێمن وهەژارومەولەوی وقانع وسالم وگۆران وشێرکۆ بێکەس وکەڵە شاعیرانی کورد دەنێرین بۆ یەکترو گوێ لەموزیکی رەسەن و گۆرانی کوردی دەگرین.منداڵەکانم بەکوردی ناوناوە گشتیان شانازی بەکوردبوونیانەوە دەکەن ..

2- ئای خواگیان..لەم بەدبەختیە.. ئێستا ئەشێ چیبکەم ؟ بۆ منو لێرە هێنایە دنیاوە؟ بۆمنو بەکورد دروستکرد؟

من دەست دەگرم بەكڵاوەکەمەوە با نەیبا (سەرشۆڕیم قبوڵە تا سەلامەت بم !) زۆر لەدەوڵەت دەترسم بزانن کوردم زیندانیم دەکەن وهەڵم دەواسن.. شوێن پای بابم و لەفرمایشتەکانی بابام ومەمانم دەرناچم هەردەم دەیفەرمو لەماڵا بە فارسی صحبت بکەن تا منداڵەکان خاس فێری زمانی فارسی ببن و سبەی لەمدرسە و ادارەکان گاڵتەیان پێنەکەن، چرا..من قطعا بەزمانی کوردی نانووسم تاکەس نەزانێ من کوردم!

بەنظرم کەماسی و شەرمە بەزمانی کوردی قسەکردن ونوسین... ئەوە زوان دێهاتی شوانەکانە...! وەلی نووسین بەزمانی فارسی باکڵاسی یە! چون زوان فارسی زەنگینە. بصورت مداوم اشعاری سعدی و حافظ وەک ظرب المثل دەخوێنم ، لەقد دیوارماڵا تابلۆیە شعرفارسیم لەقاپ گرتووە ،فرە جالبە، تا ممیوانە فارسەکان پێم بێژن باکلاسە! من فقط حەز بە موزیک وترانهای فارسی دەکەم .