لەتیف فاتیح فەرەج
ڕۆژ بەڕۆژ وادەی سەرژمێری گشتی عێراق نزیکدەبێتەوە، ئەم سەرژمێریە لەکاتێکدا بەڕێوە دەچێت، لەکۆتای ساڵی 2007 هەنگاوە کردەییەکانی مادەی 140 پەکخراوە، واتە نە ئاسای کردنەوە تەاو بوو نە سەرژمێری کرا نەڕاپرسی، هیچ یەک لە شارو شوێنە دابڕێنراوەکانیش نەگەڕێنرانەوە سەر کەرکوک وێڕای شوێنگەلی دیکە، سەرژمێری ناوچە کوردستانیە دابڕێنراوەکان بەم دۆخەی ئێستا زیانێکی گەورە لەخەڵکی ڕەسەنی ئەم شارە و شوێنەدابڕێنراوەکانی دیکە دەدات، ئەگەر چارەسەرێکی ئاوەزی بۆ هەمووئەو کەرکوکیانە نەدۆزرێتەوە کە لەدەرەوەی کەرکوکن، ئەمە بۆ خانەقین و موسڵ و زۆر شوێنی دیکەش وەسایە.
بەبێ جێبەجێکردنی مادەی 140 سەرژمێری لەناوچە کوردستانیە دابڕێنراوەکان پێشێلکردنێکی بێگرێ دەستورە بۆ دەکرێت لەدادگای فیدراڵی سکاڵا بکرێت، ئەگەر لەم ماوە کەمەی ماوە بیر لەچارەسەرێکی گونجاو نەکرێتەوە، هەڵبەت ئەو ڕێ و شوێنەی ئێستا زۆر ناقۆڵایە گوایە دەبێت هەموو کەرکوکیەکان بگەڕێنەوە شوێنی خۆیان ولەوێ بەشداری بکەن لەکاتێکا دەکرێت لەشوێنەکانی تریش کەرکوکی و خانەقینی و خورماتووی هەر بەخەڵکی ناوچەکانی خۆیان تۆمار بکرێن و پێویست بەوە نەکاتبۆ ئەو ڕۆژە لەشوێنەکانی خۆیان بن، کەباوەڕم وایە ئەمە ئەزیەتدانێکی لەخۆڕای خەڵکە.
حکومەتی هەرێمی کوردستان لەئێستادا دەستەیەکی گشتی ناوچە کوردستانیەکانی هەیە کەسەرۆک و ستافی خۆی هەیە، دەکرێت لەڕێگەی ئم دەستەیەوەلەگەڵ حکومەتی عێراڤی یان لایەنی پەیوەندیدار بەسەرژمێری چارەسەر بۆ ئەمپرسە بدۆزێتەوە، بەتایبەت لەکەرکوک بۆ ئەمەش ئەو دەستەیە دەبێت لەئێستاوە لەڕێگەی نوێنەرە کوردەکانەوە لەبەغداهەنگاوی خێراو ئەرێنی بنەن وباسی ئەوبارودۆخە پڕ لەستەمکاریە بکەن کەبەرمئەو ناوچانە هاتوەو هێشتان هەزاران کەس نەگەڕاونەتەوە شوێن و ڕێی خۆیان.
لەڕاستیدا من ئاواتە خوازی ئەوەم ئەو دەستەیەو سەرۆکەکەی لەئێستادا هەموو کارێک بخەنە لاوەو پڕۆژەو پەرنامە بۆ ئەوکارە دابنێن، ئیدی دەکرێت لەو بارەیەوە پرس و ڕاوێژ بەشارەزایان و تەدبیرکارانی ئەو بابەتە بکرێت، نایشارمەوە ئەگەر هەرهیچ دەرفەتێک نەبێت ئەوە دەبێت لەدادگای فیدراڵی سکاڵا تۆمار بکرێت لەهەموو ئەوانەی مادەی سەت و چلیان پەکخست، بەتایبەتی مەحمود مەشهەدانی کە لەکاتی خۆیدا ڕۆڵێکی زۆر خراپی گێڕا، لەسکاڵا کەشدا دەبێت داوای چارەسەر بکرێت.
سەرچاوە : خەندان
